幫老師解解壓利世民今日又有新要求，就係要請社會各路人馬一齊幫手諗諗點樣幫老師解解壓！無壓力的老師，先可以教出開心既下一代有開心既下一代，香港先至可以有陽光普照既未來。呢個係香港既深層矛盾，唔解決手尾長。
老實講，邊有打工仔唔洗競爭？曾蔭權就算自動當選特首都有競爭。君不見各路人馬仍然牛咁眼目及實特首個位。一個大意失荊州，就會好似董伯咁，畀人升上神台，仲有要邊個夠膽話呢個世界可以無競爭？
不過老師依家面對既競爭，可能比政治圈既競爭仲犀利。一時又要做的校本評估，一時又要幫學校?獎。老師一心想教好的學生，但係逼於無奈要係無關痛痒既地方競爭，對學生一的好處都無，所以都唔怪得的老師睇呢個世界咁灰。
其實競爭幾時都有，問題係你睇唔睇到，而且有競爭唔一定有進步，好似的老師面對既情況咁，競爭有時候只會帶黎無謂既壓力。講黎講去，其實利世民都係個句︰「學券制」。簡單的講，學券制就係由得的學校去收學生，多多益善小小無拘，總之收到幾多學生政府就照數人頭科水。學校要多的資源，就要收多的學生，要收多的學生就要教好的。
有競爭 更要良性競爭
學券制至少等老師知道自己做緊乜，唔駛下下為評核而評核，為?獎而?獎，搞到一頭煙最終反而換黎一句︰「明年開始，教統局新政治將會…」如果香港行學券制，學校仲使乜做埋呢的不切實際既乜乜物物評核。學生既報名表就已經係一間學校既最好評核！
老友問︰「你嫌的老師壓力唔夠大咩？仲要佢地競爭？」非也，利世民只不過係睇通左競爭永遠存在一點，所以要解決依家既問題，係要將壞性競爭變成良性競爭，唔係逃避競爭。
點解學券制係良性競爭？因為係學券制下，學校不但些要好學生，更加要好老師。利世民相信絕世上有好多好老師，只不過係制度有問題，所以佢地先至有志難展。既然老師都想教好學生，而教好學生又係老師天職，學券制當然係良性競爭。除非你唔相信老師都想教好學生，如果唔係又邊有理由去反對學券制？
