給子女最好的教育雖然小女只得7個多月大，但是利世民跟太太已經要為她的未來打算。古語有云︰「養不教，父之過」，教育下一代，父母責無旁貸。香港的中等收入家庭，千方百計要送下一代入名校，亦無非希望讓子女得到最好的教育。
不過現在的教育制度的確係病態。返學識朋友仔過社群生活係必要既，不過連牙仔都未出齊就返學實在過份。試問各位有邊個記得3歲之前發生過的乜？的家長安排幾個月大既小朋友去所謂既Play-group，因為要鋪路入名牌幼稚園，因為入名牌幼稚園，就可以入名牌一條龍中小學……利世民愛女心切，決定睬佢都傻，畀小女安在家中，開心快樂成長，未來既事今日唔擔心得咁多。
為了小女前途，利世民有個非主流想法︰設立一個小小創業基金。小女1歲未到，從今開始每個月儲蓄1000大元，到佢18歲就有成20幾萬。好多父母都會將呢筆錢用來供仔女讀大學。不過利世民就覺得，讀唔讀大學要由佢自己決定。佢要黎交學費就由得佢，不過如果佢認為呢筆錢有其他用途，我就更加安慰。
十八廿二最好創業香港人有錯覺，以為一定要先打十幾年工，然後先出黎創業，咁先至穩陣，其實呢個諗法錯上加錯。30幾歲人先創業，家庭負擔係一大考慮。事實上，如果係因為失業所以創業，咁就更加痛苦。
創業其實係將30幾年要做事情，壓縮3年內做。好多人以為打工辛苦，經歷過創業既人，一定唔覺得打工有幾困難。不過話說回頭，成功創業回報，遠高於一般打工仔30年薪水，所以心力同汗水唔會白白浪費。
創業最好年齡，係無憂無慮既十八廿二。青春無限大把精力，就算失敗左大不了再黎過，再唔係就打工算數。最重要一點，創業唔等於扼殺其他興趣。想做音樂家，可以開音樂學校；想做畫家，可以開畫廊……世間的可能性太多，點解又一定要打工，行前人既路呢？
